പ്ലസ് വൺ ഇംപ്രൂവ്മെന്റ് പരീക്ഷാഫലം പ്രസിദ്ധീകരിച്ചു

തിരുവനന്തപുരം∙ പ്ലസ് വൺ ഇംപ്രൂവ്മെന്റ് / സപ്ലിമെന്ററി പരീക്ഷാഫലം പ്രസിദ്ധീകരിച്ചു. 3,16,396 വിദ്യാർഥികൾ പരീക്ഷ എഴുതിയതിൽ 35,812 പേർ മാർക്ക് മെച്ചപ്പെടുത്തി. ഇതോടെ 30 ശതമാനത്തിന് മുകളിൽ മാർക്ക് നേടിയവർ 68.62% ആയിരുന്നത് 78.09% ആയി. മാർച്ചിലെ പൊതു പരീക്ഷയ്ക്കൊപ്പം സപ്ലിമെന്ററി പരീക്ഷകളും നടത്തിയത് ആദ്യമാണ്.  ഒന്നാം വർഷ പൊതു പരീക്ഷയുടെ ചോദ്യപ്പേപ്പർ തന്നെയാണ്  സപ്ലിമെന്ററി പരീക്ഷയ്ക്കും ഉപയോഗിച്ചത്. രണ്ടാം വർഷ ഹയർ സെക്കൻഡറി പരീക്ഷാഫലം ഈ മാസം പകുതിയോടെ  പ്രഖ്യാപിക്കും. ജൂണിലാകും പ്ലസ് വൺ  ഫലപ്രഖ്യാപനം.