ബ്രൂക്ലിൻ പാലത്തിൽ മെക്സിക്കൻ നാവികസേനയുടെ പരിശീലന കപ്പൽ ഇടിച്ചുകയറി അപകടം; രണ്ട് മരണം, 19 പേർക്ക് പരുക്ക്

ന്യൂയോർക്ക് ∙ ന്യൂയോർക്ക് നഗരത്തിലെ ബ്രൂക്ലിൻ പാലത്തിൽ മെക്സിക്കൻ നാവികസേനയുടെ പരിശീലന കപ്പൽ ഇടിച്ചുകയറി അപകടം. അപകടത്തെ തുട‍ർന്ന് രണ്ട് പേ‍ മരിച്ചു. 19 പേ‍ർക്ക് പരുക്കേറ്റു. ഇതിൽ രണ്ട് പേരുടെ നില ഗുരുതരമാണെന്ന് മെക്സിക്കൻ നാവികസേന അറിയിച്ചു. 

ഇന്നലെ രാത്രിയായിരുന്നു സംഭവം. മെക്സിക്കൻ നാവികസേനയുടെ ‘കുവാട്ടെമോക്’ എന്ന കപ്പൽ ബ്രൂക്ലിൻ പാലത്തിൽ ഇടിക്കുകയായിരുന്നു. അപകടം നടക്കുന്ന സമയത്ത് 277 പേർ കപ്പലിലുണ്ടായിരുന്നു.

കപ്പലിലെ എല്ലാ ജീവനക്കാരെയും ആശുപത്രിയിൽ പ്രവേശിപ്പിച്ചതായി ന്യൂയോർക്ക് കോസ്റ്റ് ഗാർഡ് പ്രസ്താവനയിലൂടെ അറിയിച്ചു. അപകടത്തെ തുടർന്ന് കപ്പലിനും കേടുപാടുകൾ സംഭവിച്ചിട്ടുണ്ടെന്ന് മെക്സിക്കൻ നാവിക സേന വ്യക്തമാക്കി.