വെടിനിർത്തൽ കുറിപ്പ്: സൽമാനെതിരെ വിമർശനം

മുംബൈ∙ ‘വെടിനിർത്തലിന് ദൈവത്തിന് നന്ദി’ എന്ന  സമൂഹമാധ്യമ പോസ്റ്റിനെ വിമർശിച്ച് ഒട്ടേറെപ്പേർ രംഗത്തെത്തിയതിനു പിന്നാലെ പോസ്റ്റ് പിൻവലിച്ച് നടൻ സൽമാൻ ഖാൻ. ഓപ്പറേഷൻ സിന്ദൂറിനെക്കുറിച്ച് ഒന്നും പറയാതെ വെടിനിർത്തലിനെക്കുറിച്ച് പോസ്റ്റിട്ടെന്നായിരുന്നു വിമർശനം. അതേസമയം, പഹൽഗാം ഭീകരാക്രമണത്തെ നടൻ അപലപിച്ചതു ചൂണ്ടിക്കാട്ടി നടനെ അനുകൂലിക്കുന്നവരും രംഗത്തെത്തി. പാക്കിസ്ഥാൻ വെടിനിർത്തൽ ലംഘിച്ചതിനാലാണ് പോസ്റ്റ് പിൻവലിച്ചതെന്നും അതിൽ അസ്വാഭാവികതയില്ലെന്നും അവർ പറയുന്നു.